– lykkeleg hund, lykkeleg eigar!
Endeleg er koronatida over og hundeklubben slår på stortromma når det kjem til årets julebord. Årets happening vert på Rekkedal Gjestehus 2. Desember. Her får me servert god mat ( https://www.rekkedalgjestehus.no/aktuelt/julesesongen-2021). Dei har òg sagt dei kan tilpasse ved allergi eller andre omsyn. Me håpar DU tek turen. Ved nok interesserte prøvar me å setje opp moglegheit for spleis på fellesskyss.
Bindande påmelding her: https://forms.gle/Xy3CpsSFiGGHDzyJA
Her kjem samanlagtresultata frå Rallycup 2022, og nokre bilete frå siste runda som gjekk måndag 5. september. Som de kan sjå vart det svært jamnt i klasse 1, der Gina hadde betre tider på sine teljande runder og dermed vart ho og Agapimou samanlagtvinnar i klasse 1.
Gratulerer alle saman, og takk til alle som deltok! Vi i styret synst det var veldig kjekt at de ville vere med på cup! Det vert høgtideleg premieoverrekking på julebordet seinare i år 😉
Fana “Hendingar” er no oppdatert med informasjon om siste runde i rallycupen.
Velkomen til medlemskveld!
Tid og stad: Onsdag 2. mars kl 19.00 på Bondhus Trafikkskule i Ørsta.
Tema for kvelden er rallylydigheit, og vi vil mellom anna vise ein film som gir ei lettfatta og god innføring i det gjeldande regelverket og alle øvelsane i klasse 1.
Påmelding via denne lenkja: https://forms.gle/p78hWCAwuFmZmbUs7
NB: Kun for medlemmar.
Vi gratulerer Jostein og Pondus, Arnhild og Selma og Gina og Agapimou med bestått bronsemerkeprøve i LP 15. november 2021! Og ein stor takk til Else Marie Halse Ressem som stilte opp som dommar.
For dei som ikkje nådde heilt opp denne gongen, og andre som har lyst til å prøve, så vert det ny sjanse til våren!
Takk til denne flotte gjengen som stilte opp på dugnad i Fonna i dag! No er agilityutstyret pakka vekk for vinteren, og vi fekk rydda ein god del ugras frå bana. Nokre hopphinder, tunnelen og slalomen vart flytta ned i ridehallen slik at det blir mogleg å bruke dei på treninga der gjennom vinteren 🙂
Ørsta og Volda Hundeklubb 